التخطي إلى المحتوى
تامر حسني وصورته القديمة .. تضامن واسع من الفنانين

تضامن مع تامر حسني
تضامن مع تامر حسني

 عبر أكثر من فنان وفنانة عن تضامنهم مع الفنان المصري تامر حسني، إزاء حملة السخرية التي تعرض لها بسبب صورة قديمة نشرت له على مواقع التواصل الاجتماعي.

وقالت الفنانة الكبيرة عبلة كامل، “الإصرار سر النجاح.. تامر أنت قدوة للشباب”، وأكدت منة شلبي بقولها: “كلامك صح يا فرنسا”، في إشارة إلى الشخصية التي جسدتها بفيلم “خالتي فرنسا”.

 وكذلك علقت الفنانة وفاء عامر: “كلامك صح.. وشكراً للولد الصغير”.

كما علقت الفنانة انتصار على المنشور: “راجل الولد الصغير”، وقال الممثل إسلام زكي، الذي سبق وشارك مع تامر فيلم “نور عيني”: “أنا يمكن اشتغلت معاك مرة واحدة زمان.. بس شوفت إنسان جميل وبسيط.. حابب اللي بيعمله.. والحلم اللي وصله ومستغرب من أي حد اتريق على صورة الولد الصغير.. كلنا كنا صغيرين بس لما كبرنا حققنا إيه ووصلنا لإيه.. تحية للولد الصغير يستحق كل الاحترام.. استمر”.

  • بمَ رد تامر حسني على السخرية من صورته قبل الشهرة؟كما عبر الفنان شريف منير عن تضامنه بقوله: “حتخلينى أنزل بصورى أنا كمان يا تامر.. على العموم اللى بيتريأ يبقى يطلع صوره القديمة ويشوف نفسه كان عامل ازاى.. أنا فخور ببك وبحبك.. لأنك حقيقي راجل وجواك أبيض زى الفل.. عشان كده ربنا بيكرمك».

    كما قال لاعب كرة القدم المعتزل خالد الغندور: “لا تنظر لهولاء ودائماً انظر أنك ناجح.. وإلى الأمام يا تامر”.

    ونشرت الفنانة مي كساب صورة لها “أيام الكحرتة (الفقر)” -حسب وصفها، عبر “انستقرام”، وعلقت عليها قائلة: “ولا تزعل نفسك أبدا يا تامر يا حسني.. كل واحد مننا عنده صورة وهو صغير شكله فيها لا يسر عدو ولا حبيب، واحنا حرين المهم على رأيك الولد الصغير بقى راجل وإنسان وفنان.. كلنا بنتشرف بيه اسمه #تامر_حسني، أنا طبعا في الصورة دي كنت شايفة نفسي الشحرورة ضاربة الأكسجين وضاربة البودرة السمر كيك وشايفة نفسي فاتنة طنطا”.

    ونشرت كساب صورة قديمة تبدو فيها مختلفة تماماً عن شكلها الحالي، وعلقت بقولها: “تضامناً مع طموره ولا تزعل نفسك أبداً يا تامر يا حسني، كل واحد مننا عنده صورة وهو صغير، شكله فيها لا يسر عدو ولا حبيب وإحنا حريين”.

    وكان تامر حسني قد كتب رداً على السخرية منه عبر حسابه الرسمي على فيسبوك، جاء فيه: “لمن يهمه الأمر .. من يومين نزلت صوره ليا وأنا صغير وشغلت ناس كتير وفضلوا يتريقوا على الصورة في الحقيقة إني فالوقت ده فعلاً كنت بحاول أقلد المشاهير في صورهم وأفلامهم وحراكاتهم”.

    وتابع بقوله: “وبغض النظر عن أن فالوقت ده كانت الموضات شبه كده وأنا بقول شبه كده؛ لأني كنت ولد صغير معندوش فلوس نهائي يشتري لنفسه حاجة غالية ولا عنده أب يشتريله حاجه أصلاً.. اللي عايز اقوله إني من يوم الصوره دي وأنا حالف إني أتصورها بجد وأنا مشهور”

  • كما أكد حسني في منشوره الطويل أن: “الصوره دي بتثبت لأي شاب إيجابي إن مفيش مستحيل.. واللي عايز يتريق على الولد اللي.. فالصورة هقوله يا رب تنجح زيه أنا فخور بالصورة دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك، وكمان اشتغلت شغلانات كتير فيها شقى وتعب عشان تصرف على أهلك من وانت فالسن ده شكراً يا ولد يا صغير.. إصرارك عمل مني راجل إنسان فنان اسمه تامر حسني”.


المصدر :- العين

التعليقات

error: اهلا بكم محتوى محمى
X
الموقع يعمل بنظام مشاركه الارباح بنسبة 100% الان