نصيحه: لكل طالب وطالبه

نصيحه: لكل طالب وطالبه

نصيحه

نصيحه

1- فكك خالص من انك تحط البنات ف دماغك وانك داخل تانتم او انتى داخله تانتمى وتتزوقوا كانكم داخلين ديسكو وتنشر ف الجروبات كتير علشان تظهر وتعلق مع بنات وتحاول تتعرف عليهم صدقونى والله بالاضافه لانه حرام هتضيع تعب اهلك وانهم بيحرموا نفسهم من كل حاجه علشان يعيشوك العيشه دى ويصرفوا عليك علشان ف الاخر تبقى فاشل
2- انسى خالص كل حمار يقولك كليه سهله اووى ذاكر قبل الامتحانات بشهر وعيش حياتك طول السنه
وانسى برضه كل حمار يحبطك ويقولك مهما هتعمل مش هتاخد تقدير
افهمك انا القصه ماشيه ازاى
قال الله تعالى:
“إِنَّ اللّهَ لاَ يُضِيعُ أَجْرَ الْمُحْسِنِينَ” سورة التوبة 120

وقال سبحانه وتعالى:
“إِنَّا لَا نُضِيعُ أَجْرَ مَنْ أَحْسَنَ عَمَلًا” سورة الكهف 30
يعنى ايه يا جمال يعنى ع اد م تذاكر هتجيب تقدير

3- هتسالنى وتقولى اذاكر ازاى يا جمال اقولك انا كداب ال يقولك ذاكر بالطريقه الفلانيه حتى لو الاول ع الدفعه كل شيخ وليه طريقه زى مبيقولوا
اولا انت لسه داخل جديد لا عارف حاجه ولا مهبب هتسال كتير ناس كتير هتشتتك وهتكرهك ف الكليه
الافضل تمسك الكتاب تقرائه مره قرائه جرائد حاول تفهم هوا بيتكلم عن ايه القانون الدستورى مثلا بيتكلم عن الدستور وازاى بيتكتب وازاى بيتعدل وايه اعلى من الدستور هتلاقيه هوا اعلى حاجه طب ايه اقل منه القوانين وبعدها اللوائح
هتلاقى فيه الانتخابات والانخاب الفردى وبالقائمه ومزايا وعيوب كل واحد وهكذا هتبقى فاهم الماده دى بتتكلم عن ايه
فهمت كده فيه كتاب بيتباع ف المكتبات بره اسمه النرشد فيه امتحانات السنوات السابقه هاته وبعد م تقرا الفصل او الباب او الجزء ال هتقرائه شوف الاسئله ال جات عليه ف السنوات السابقه اكتب السؤال ف الكتاب وطلع العناصر واحفظها
ال هيا زى عنوان صغير اسمه عنصر بعد م تحفظهم افهم الاول تحت كل عنصر بيحكى عن ايه حاول بقدر الامكان تصيغ ده باللغه العربيه ال فهمته
حذارى من اللغه العاميه والاخطاء الاملائيه هيا دى ال هتنقصك درجات
العناصر ف الامتحان بتتكتب بالاسود والشرح بالازرق علشان تجيب امتياز خلى ورقتك منظمه حتى لو خطك وحش اهم حاجه شكل الورقه يكون يفتح النفس
* هييجى عليك فتره هتحس انك مش قادر تحفظ وال بتحفظه عشره عشرين مره بتنساه متخافش انت مش ناسيه انت بتوهم نفسك وخايف
حافظ دايما على اعصابك هاديه ال متفهمهوش اقرائه مره واتنين وتلاته
صدقنى الكليه سهله جدا وسهل جدا تجيب امتيازات
اهم حاجه حط هدف قدامك ومتكسلش اوعى تتراخى مره هتلاقى كل شئ اتراكم عليك والدنيا اسودت ف وشك ذاكر اول باول ف الاول هتتعب بس صدقنى هترتاح طول عمرك
المذكرات مختصره جدا هتذاكر منها ل هتسقط ل هتجيب مقبول
4- اياك واصدقاء السوء هيضيعوك هيجبوك ارض ارض فكك من المحاضره ده دكتور رخم تعالى نقعد ع الكافتريا تعالى نعلق بنات المهم انت تبقى ضيعت وقت ومجهود وروحت الكليه وهتروح تعبان وتنام وف الاخر يومك كله ضلع مستفدتش منه وكل المواد بتتراكم عليك
اياك تقعد جنب حد تعرفه هيشتتك ومش هيخليك تفهم حاجه من المحاضره حاول دايما تقعد جنب حد متعرفهوش
حاول واضغط ع نفسك وانسى النت داخل المدرج كده ضيعت كل حاجه انت كده بتفشل نفسك بنفسك
طولت كان نفسى اكتب حاجات كتير بس اكيد هنزل بوستات تانى
كان معاكم اخوكم جمال الحاوي الفرقه الثانية